აუდიტის სამსახურის მიერ სხვადასხვა უწყებებში აღმოჩენილ დარღვევებზე პროკურატურაში 28 საქმეა გადაგზავნილი. თორდიას ტქმით ეს არ ეხება მხოლოდ სამინისტროებს, აქ შედის მუნიციპალიტეტები და საქვეუწყებო დაწესებულებები.

ამის შესახებ აუდიტის სამსახურის უფროსმა, ლაშა თორდიამ გადაცემა "არჩევანში" განაცხადა.

„ვსწავლობთ ინფრასტრუქტურის სამინისტროს, ლტოლვილთა სამინისტროს, სპორტისა და ახალგაზრდობის სამინისტროს, საგარეო საქმეთა სამინისტროს, ფინანსთა სამინისტროს, იუსტიციის სამინისტროს, შესვლას ვაპირებთ სასჯელაღსრულების სამინისტროში, მტავრობის კანცელარიაში, შინაგან საქმეთა სამინისტროში და განათლების სამინისტროში. თუ აქედან რომელიმე მინისტრი მოხსნეს ან რაღაც გაუთვალისწინებელი მოხდა, წინასწარ გაფრთხილებთ, რომ ჩვენ არ დაგვაბრალოთ შემდეგ რაიმე. განათლების სამინისტროს რაც შეეხება, ერთი წელია ვებგვერდზე დევს განათლების საიმინისტროსთანდ აკავშრებით ჩვენი დასკვნა“, - განაცხადა თორდიამ.