„ზურაბ ჟვანიას ცხედარზე ექსპერტიზა სრულყოფილად არ იყო ჩატარებული“, - ეს განცხადება გარდაცვლილის მეუღლემ, ნინო ქადაგიძე-ჟვანიამ სასამართლო პროცესზე გააკეთა.

ნინო ქადაგიძემ დღეს სასამართლოს ჩვენება მისცა, ლევან ჩაჩუამ ნინო ქადაგიძეს ,,მოგვიანებით" მაგრამ მაინც მიუსამძიმრა, რაზეც გარდაცვლილი პრემიერის მეუღლემ მიუგო, რომ მისი სამძიმარი უკვე დაგვიანებულია. „მე მსურს გულწრფელად მოგისამძიმროთ და გითხრათ, როცა სურვილი გექნებათ შემიძლია პირისპირ შეგხვდეთ და თვალებში შეგხედოთ თქვენც, თქვენს შვილებსაც და ქალბატონ რიმასაც და გითხრათ ყველაფერი რა და როგორ იყო“, - განაცხადა ჩაჩუამ. ქადაგიძემ ექსპერტს უსაყვედურა: "სამძიმარი დაგიგვიანდათ. შეიძლება გეშინოდათ ჩემთან ურთიერთობის". საპასუხოდ, ლევან ჩაჩუამ აღნიშნა, რომ მიუხედავად მრავალგზის მცდელობისა, ოჯახთან შეხვედრა ვერ მოხერხდა.

ნინო ქადაგიძის თქმით, თუ სურვილი ჰქონდათ მასაც და სააკაშვილსაც, შეეძლოთ მანამდე გაეკეთებინათ, ამის პასუხად ლევან ჩაჩუამ ქადაგიძეს მიუთითა, ,,ნუ გამაიგივებთ სააკაშვილთან".

ლევან ჩაჩუამ გარდაცვლილი პრემიერის მეუღლეს მის ჯანმრთელობასთან დაკავშირებით რამდენიმე კითხვა დაუსვა, კერძოდ იცოდა თუ არა იმის შესახენ, რომ ზურაბ ჟავანიამ გარდაცვალებამდე 5 დღით ადრე გამოკვლევები ჩაიტარა, რაზეც ქადაგიძემ მიგო, რომ მის მეუღლეს თავის ტკივილი აწუხებდა და ამის გამო იყო გამოკვლევებზე. ნინო ქადაგიძეს ლევან ჩაჩუას დაცვის მხარემ ნინო ქადაგიძეს ექსპერტიზის დასკვნასთან დაკავშირებითაც დაუსვა კითხვას, რაზეც ნინო ქადაგიძემ უპასუხა, რომ დასკვნა CO-ს შემცველობასთანდ აკავშირებით, რომელიც ქართლმა მხარემ დადო, სამარცხვინოა. ქადაგიძის გამნარტებით, მას ჰქონდა სურვილი დამოუკიდებელი ექსპერტიზის ჩატარების, რისი საშუალებაც არ მიეცა.