ამერიკელ მსახიობს მეთიუ მაკკონაჰს ორშაბათს, 17 ნოემბერს, ჰოლივუდის დიდების ხეივანში ვარსკვლავი გაუხსნეს.

„ეს განსაკუთრებული დღეა ჩემი ოჯახისთვის, დიდებული მომენტი ჩემს კარიერაში“- განაცხადა 45 წლის მსახიობმა ხეივანში 2534-ე ვარსკვლავის გახსნის ცერემონიაზე.

მსახიობის მხარდასაჭერად ცერემონიაზე მაკკონაჰის მეუღლე , სამი შვილი, ფილმ „ინტერსტელარის“ შემქმნელები და მსახიობები და ასეულობით თაყვანისმცემელი მივიდა.

მეთიუ მაკკონაჰი ოსკაროსანი მსახიობია, 2013 წელს მონაწილეობა მიიღო ფილმში „დალასის მყიდველთა კლუბი“, სადაც შიდსით დაავადებული კოვბოი ითამაშა. ამ როლისათვის მიიღო ოსკარი და ოქროს გლობუსი.

2014 წლის აპრილში ჟურნალმა Time-მა მაკკონაჰი მსოფლიოს გავლენიანი ადამიანების ასეულში შეიყვანა.