თბილისში, პარლამენტის მიმდებარე ტერიტორიაზე ემზარ კვიციანის ოჯახის წევრები და ახლობლები აქციას მართავენ.

ისინი სასამართლოს დღევანდელ გადაწყვეტილებას აპროტესტებენ, რომლის მიხედვით კვიციანს 12 წლით თავისუფლების აღკვეთა შეეფარდა. ყოფილი გუბერნატორის ოჯახის წევრები საპარლამენტო საგამოძიებო კომისიის შექმნას მოითხოვენ, რომელიც ემზარ კვიციანის საქმის გამოძიებას დაიწყებს. მათ კითხვები პარლამენტის ადამიანის უფლებათა დაცვის კომიტეტის თავმჯდომარესთან ეკა ბესელიასთან აქვთ. როგორც ისინი აცხადებენ, ამნისტირებული ადამიანის სიიდან ემზარ კვიციანი ბესელიამ რამდენჯერმე ამოიღო.

„32 დეპუტატი თავდებში ჩაუდგა ემზარ კვიციანს, გამოდის დეპუტატები ტყუილად ყოფილან? მაშინ დეპუტატებმა პროტესტის ნიშნად უნდა დატოვონ თანამდებობა, რადგან გამოდის, რომ პროკურატურამ განაჩენი მათაც გამოუტანა“, - აცხადებს ემზარ კვიციანის და ნორა კვიციანი.

შეგახსენებთ, საპარლამენტო უმრავლესობის 35 დეპუტატი ემზარ კვიციანს თავდებში ჩაუდგა.

დეპუტატები რომლებიც განაცხადას აწერენ ხელს არიან: ვიქტორ ჯაფარიძე, სოსო ჯაჭვლიანი, პაატა ბარათაშვილი, თემურ ხუბულური, გია ჟორჯოლიანი, ირაკლი ტრიპოლსკი, თამარ კორძაია, ალექსანდრე ქანთარია, ბიძინა გუჯაბიძე, გუბაზ სანიკიძე, მირიან წიკლაური, ზურაბ ზვიადაური, გიგლა აგულაშვილი, დავით ბერძენიშვილი, მერაბ კაჭახიძე, მალხაზ წერეთელი, ფატი ხალვაში, გელა გელაშვილი, როსტომ ხალვაში, დარეჯან ჩხეტიანი, მურმან დუმბაძე, გედევან ფოფხაძე, თამარ ჯაფარიძე, თამაზ ავდალიანი, შოთა ხაბარელი, ვალერი გელაშვილი, ლერი ხაბელოვი, ზაზა პაპუაშვილი, თეიმურაზ ჩხაიძე, თემურ მაისურაძე, გიორგი გაჩეჩილაძე, რუსლან პოღისიანი, თამაზ მეჭიაური და ალი მამედოვი

ემზარ კვიციანს სასამართლომ დღეს 12 წლით თავისუფელბის აღკვეთა მიუსაჯა.