დასრულდა გამოძიება სექტემბერში მომხდარი ინცინდენტის გარშემო, რომელიც აშშ-ს პრეზიდენტის ადმინისტრაციასთან სექტემბერში მოხდა.

ყოფილმა სამხედრო მოსამსახურემ ომარ გონსალესმა შესძლო თეთრი სახლის მესერის გადალახვა, გაექცა მცველებს, შეიჭრა თავად შენობაში და მხოლოდ აქ მოხერხდა მისი დაკავება. აღსანიშნავია, რომ ბოროტმოქმედი მხოლოდ დანით იყო შეიარაღებული.

ოფიციალურ დოკუმენტში, რომელიც ამ ინცინდენტის ანალიზს ეძღვნება ნათქვამია, რომ აღმოჩენილია აღმასრულებელი, საორგანიზაციო და ტექნიკური ხარვეზები. ინცინდენტი ასევე დაცვის წევრებს შორის სუსტი კოორდინაციისა და თეთრი სახლის უსაფრთხოების სისტემაში არსებული ხარვეზების გამო მოხდა. ამასთან, ოპერატიული სამსახურის მუშაკებმა ვერ მოახდინეს ამ ფაქტზე დროული რეაგირება. როგორც ცნობილია, შედეგად გადადგა თეთრი სახლის უშიშროების სამსახურის უფროსი ჯულია პირსონი.

დოკუმენტში მოცემულია დეტალური ანგარიში იმის შესახებ, თუ როგორ განვითარდა მოვლენები და რა შეცდომები დიქნა დაშვებული როგორც თავად მომხდარი ფაქტის დროს, ასევე წინასწარ.

დოკუმენტში მოყვანილია შემდეგი დეტალები:

- გონსალესმა გადალახა ღობე იმ ადგილას, სადაც მას არ გაააჩნია წაწვეტებული ბოლოები,

- შესასვლელ კარებთან მყოფმა მცველებმა ის ვერ დაინახეს, რადგან მათ ამაში მიმიდნარე სარემონტო სამუშაოებმა შეუშალა ხელი.

- ოპერატიული სამსახურის მუშაკი ძაღლით ინცინდენტის დროს მობილურ ტელეფონზე საუბრობდა და ვერ გაიგო განგაშის სიგნალი ყურსასმენში, ხოლო მიმღები გასახდელში დატოვა.

- დაცვას ეგონა, რომ თეთრი სახლის შენობის კარები გასაღებით იყო ჩაკეტილი, არადა ის ღია იყო.

- მცველები, რომლებიც მისდევდნენ გონსალესს, ვერ წარმოიდგენდნენ, რომ იგი მჭიდროდ განლაგებულ ბუჩქებს გადალახავდა.

- დაცვის ზოგიერთი წევრი არ შეყვა ბოროტმოქმედს შენობაში, რადგან ისინი არ იცნობდნენ შენობის გეგმას და ოთახების განლაგებას.

- შენობაში შეღწევის შემდეგ გონსალესმა ხელი კრა მცველ გოგონას, რომელიც მასზე დაბალი იყო და დაბნეულობისაგან ხელკეტის ნაცვლად ფანარი ამოიღო

- ბოროტმოქმედის დაკავება მოხდა მხოლოდ „აღმოსავლეთ ოთახში“, სადაც ოფიციალური მიღებები იმართება.

- კავშირგაბმულობის სისტემის გაუმართაობის გამო ვერ მოხერხდა თეთრი სახლის შიგნით მყოფი დაცვის თანმამშრომლების დროული გაფრთხილება.

ამასთან, ყველაზე დამაფიქრებელი ის არის, რომ შესაბამისმა სამსახურებმა წინასწარ იცოდნენ ომარ გონსალესის საეჭვო ქცევების შესახებ. იგი ივლისში დაკავებული იყო პოლიციის მიერ და მის მანქანაში აღმოჩენილ იქნა 4 პისტოლეტი, ავტომატი და ხელყუმბარები, ასევე რუქა, სადაც აღნიშნული იყო თეთრი სახლის გეგმა.