პროკურატურა თავდაცვის სამინისტროს დაკავებული მაღალჩინოსნების ადვოკატებს პასუხობს, სადაც დაცვის მხარე ამბობს, რომ საგამოძიებო ორგანო საქმის მასალებს არ აწვდით.

საქმის პროკურორ ჯარჯი წიკლაურის თქმით, ადვოკატების მიზანი საქმის მასალების შესწავლა არაა. ამის შესახებ მან დაცვის მხარის მოთხოვნის საპასუხოდ განაცხადა.

„ადვოკატებს არაერთხელ ჰქონდათ შესაძლებლობა გასცნობოდნენ საქმის მასალებს. მათ შორის შევთავაზეთ ჩვენთან მობრძანება, ასევე შევთავაზეთ, რომ მათთან ოფისში წავადგენდით და იქ გაცნობოდნენ, თუმცა, ჩვენს შეთავაზებებზე ადვოკატებმა დაუსაბუთებლად განაცხადეს უარი. რეალურად მათი თვითმიზანი მტკიცებულებების გაცნობა არაა, რადგან არაერთხელ ჰქონდა ამის შესაძლებლობა“,- განაცხადა პროკურორმა ჯარჯი წიკლაურმა.