აზერბაიჯანმა ყარაბაღის თავზე საჰაერო სივრცე დახურა. აზერბაიჯანის საგარეო საქმეთა სამინისტროში აცხადებენ, რომ სომხეთის სამხედრო თვითმფრინავების შესვლა აზერბაიჯანის საჰაერო სივრცეში, მიჩნეული იქნება, როგორც სამხედრო თავდასხმა.

გუშინ, ამავე უწყების მიერ გავრცელებულ ინფორმაციაში ნათქვამი იყო, რომ სომხეთის შეიარაღებული ძალების კუთვნილი ვერტმფრენი „მი-24“ ჩამოაგდეს, რადგან მან აზერბაიჯანის საჰაერო სივრცე დაარღვია.

აღნიშნულ ფაქტს საერთაშორისო თანამეგობრობა გამოეხმაურა და ორივე მხარეს არსებული კონფლიქტის მოგვარებისკენ მოუწოდა.