უკანასკნელი ორი დღის განმავლობაში რუსულმა სამხედრო ტექნიკამ გადაკვეთა უკრაინის საზღვარი და შევიდა სეპარატისტების მიერ კონტროლირებად ტერიტორიაზე- ამის შესახებ ნატოს წარმომადგენელმა გენერალმა ფილიპ ბრიდლავმა 12 ნოემბერს, სოფიაში განაცხადა.

გენერალ ბრიდლავის თქმით კოლონა ტანკებს, საარტილერიო დანადგარებს, საჰაერო თავდაცვის სისტემებს და ცოცხალ ძალას შეიცავდა.

ნატოს წარმომადგენელი არ აზუსტებს კოლონაში არსებული ტექნიკის რაოდენობას, თუმცა აღსანიშნავია რომ მსგავსი ინფორმაცია ვრცელდება ეუთოს წარმომადგენლების მხრიდანაც, ეუთოს მეთვალყურეების განცხადებით 11 ნოემბერს მათ ნახეს 43 სამხედრო ავტომანქანა, ამოსაცნობი ნიშნების გარეშე, რომელმაც საზრვარი გადაკვეთა და დონეცკში შევიდა.