კუდ-ის ყოფილ მაღალჩინოსანს სამი პოლიციელის ცემის საქმეზე აღიარებითი ჩვენების სანაცვლოდ საპროცესო შეთანხმება გაუფორმდა.

დღევანდელ პროცესზე ბრალდებული მელნიკოვიც იმყოფებოდა. მას დათა ახალაიას ადვოკატ ირაკლი ზაქარეიშვილთან შელაპარაკება მოუვიდა.

ზაქარეიშვილმა მელნიკოვის განცხადებები გაიხსენა, რა დროსაც ის ამბობდა, რომ მისი ოჯახის წევრების მიმართ ზეწოლა ხორციელდებოდა. როგორც ადვოკატმა აღნიშნა, რომ მელნიკოვის დედა დააკავეს და მისი შვილიც მისცეს პასუხისგებაში, რის შემდეგაც მელნიკოვმა აღიარა დანაშაული. მელნიკოვმა ზაქარეიშვილს სთხოვა, მის საქმეში ნუ ჩაერეოდა.

საქალაქო სასამართლომ აღნიშნულ საქმეზე დათა ახალაიას, ოლეგ მელნიკოვსა და სოსო თოფურიძეს თავისუფლების 3 წლითა და 9 თვით აღკვეთა შეუფარდა.საპროცესო პირობების თანახმად კი, იგი მხოლოდ 2 წელს გაატარებს საპყრობილეში, დანარჩენი 1 წელი და 9 თვე კი იქნება მეთვალყურეობის ქვეშ.