ნატო-ს მოკავშირეთა გაერთიანებული ძალების უმაღლესმა მთავარსარდალმა და აშშ-ის ევროპული სარდლობის მეთაურმა, გენერლმა ფილიპ ბრიდლავმა "როიტერთან" საუბრისას განაცხადა, რომ რუსეთი არტილერიის, შეიარაღებისა და საბრძოლო მოწყობილობების აღმოსავლეთ უკრაინაში გაგზავნას განაგრძობს.

გამომცემლობასთან საუბრისას, მან აღნიშნა, რომ რუსეთის კოლონების გადაადგილების ზრდით შეშფოთებულია. ბრიდლავის თქმით, ძალადობა დღითიდღე მატულობს.

ამერიკელმა გენერალმა "როიტერთან" ინტერვიუში აღნიშნა, რომ რუსეთმა ყირიმში ბირთვული იარაღის მიწოდების ტექნიკური საშუალებები გააგზავნა.