ნაზარბაევმა ხალხს მოულოდნელად მიმართა - რისთვის ემზადება ყაზახეთი?

მსოფლიო - 19:42, 11 Nov, 2014

9959

,,უახლოესი წლები ძალიან მძიმე იქნება ჩვენი ქვეყნისთვის, სწორედ ამ მიზეზით, მე გადავწყვიტე, წინასწარ, ვადაზე ადრე მომემართა თქვენთვის ჩემი მოწოდებით, თუ რა ზომები უნდა მივიღოთ ჩვენ ახალი წლების შემდეგ. იმისათვის, რომ იყოს დრო ამ მოქმედებების მოსამზადებლად, მე მივიღე გადაწყვეტილება მოგმართოთ წლის ბოლო“, - აღნიშნა ქვეყნის მეთაურმა.

,,მე, ჩემი დიდი გამოცდილებიდან გამომდინარე, ვგრძნობ, უახლოესი წლები იქნება გლობალური გამოცდების წლები მსოფლიოსთვის და ჩვენთვის. შეიცვლება მსოფლიოს არქიტექტურა. ყველა სახელწმიფო ვერ მოახერხებს, ღირსეულად გაიაროს ეს მძიმე ეტაპი. ამ პერიოდს გაივლიან მხოლოდ ძლიერი სახელმწიფოები და ხალხები“, - განაცხადა ნაზარბაევმა.

მან ასევე აღნიშნა, რომ ყაზახეთმა არ უნდა გაიმეოროს სხვა ხალხების შეცდომები და მისცა მითითება, რომ ქვეყნის ბიუჯეტში ნაციონალური ფონდიდან ყოველწლიურად - 2015-2016-2017 წლებში გამოიყოს 3-3 მილიარდი დოლარი. ,,200 მილიარდამდე ტენგე გამოიყოს ინფრასტურქტურის განვითარებისთვის, 100 მილიარდი - მცირე და საშუალო ბიზნესის განვითარებისთვის“. ნაზარბაევმა ხაზი გაუსვა, რომ ამ წლებში არ მოხდება პენსიებისა და ხელფასების შემცირება, მაგრამ შეუძლებელი იქნება მათი მომატებაც, ,,ჩვენ შევინარჩუნებთ რაც გვაქვს და ქვეყანა განვითარდება. ჩვენ მოვახერხებთ, გამოვიდეთ კრიზისული პერიოდიდან. კრიზისები დიდხანს არ გრძელდება, შესაძლოა ამან გასტანოს 2-3 წელიწადი“- განაცხადა ქვეყნის მეთაურმა.

ნაზარბაევმა აგრეთვე ხაზგასმით აღნიშნა, რომ 2015 წელს ქვეყანა აღნიშნავს სახელმწიფოებრიობის 550 წლის იუბილეს. მან მოუწოდა, განსაკუთებით ახალგაზრდებს, დაიცვან სხვადასხვა ეთნიკურ ჯგუფებს შორის თანხმობა, ,,განამტკიცონ სტაბილურობა და ტოლერანტობა, როგორც ამას ყოველთვის ვახერხებდით. ეს არის ჩვენი ქვეყნის მომავალი. მე დარწმნუმებული ვარ, რომ ისტორიის ახალ გზაჯვარედინზე, განსაკუთრებულ შინაარსს შეიძენს პრინციპი - წინ ყაზახეთო!“, - განაცხადა ნაზარბაევმა ყაზახი ხალხისადმი მიმართვაში.