საქალაქო სასამართლოში ზურაბ ჟვანიას გარდაცვალების საქმეზე დაკავებული ლევან ჩაჩუას სასამართლო პროცესი განახლდება. პროცესზე ბრალდების მხარის მოწმეების დაკითხვა იგეგმება. ასევე იგეგმება სასამართლო-სამედიცინო ექსპერტების დაკითხვაც. პროცესს ბრალდებულიც დაესწრება.

"უნდა მოხდეს ექსპერტების დაკითხვა. ექსპერტიზა, რომელიც ჩაატარეს მხოლოდ და მხოლოდ ფოტო და ვიდეო მასალაზე, და თავად ექსპერტების ჩვენებებიდან გამომდინარე, ფოტო და ვიდეო მასალაზე ჩატარებული ექსპერტიზა არ მომხდარა და ვერც იქნება კანონიერი. ბრალდებული, მიუხედავად მისი ჯანმრთელობის მძიმე მდგომარეობისა, აქტიურად იღებს მონაწილეობას პროცესში“, - აცხადებს ჩაჩუას ადვოკატი ზურაბ ტაბიძე.

ლევან ჩაჩუა, დაახლოებით, 8 თვის წინ დააკავეს. მას სამსახურეობრივ გულგრილობას ედავებიან. პროკურატურის მტკიცებით, ლევან ჩაჩუამ გარდაცვლილთა სხეულებზე არსებული დაზიანებები დასკვნაში სრულად არ ასახა.