დაძაბულობა რუსეთსა და NATO-ს შორის - 40 სახიფათო ინციდენტი

მსოფლიო - 18:34, 10 Nov, 2014

3096

ექსპერტებმა უკანასკნელი რამდენიმე თვის განმავლობაში რუსეთსა და ნატო-ს შორის 40-მდე კონფლიქტური სიტუაცია დაითვალეს.

სპეციალისტები განსაკუთრებულ ხაზს 11 შემთხვევას უსვამენ, რომელთა შორისაც რუსი სპეცსამსახურების მიერ ესტონეთის პოლიციის თანამშრომლების გატაცებაც მოხვდა. ასევე ისტორია, რომლის მიხედვითაც შვედეთის საზღვაო სივრცეში წყალქვეშა გემის ძიებას უკავშირდებოდა, როგორც შვედი სამხედროები ვარაუდობდნენ, ეს შესაძლოა რუსული წყალქვეშა გემი ყოფილიყო.

სამ მარტს კომპანია SAS-ის სამგზავრო თვითმფრინავი, რომელის ბორტზეც 132 მგზავრი იმყოფებოდა და რომელიც რომისკენ მიფრინავდა, კოპენჰაგენის აეროპორტიდან გამოფრენის შემდეგ, კინაღამ შეეჯახა რუსულ სადაზვერვო სამხედრო თვითმფრინავს.

„შეჯახების თავიდან აცილება მოხერხდა მხოლოდ კარგი ამინდის გამო, ასევე მფრინავების სწრაფი რეაგირების შედეგად“, - ნათქვამია კომპანიის განცხადებაში.

დასავლეთი აღნიშნული ინციდენტის შემდეგ, შესაბამის სამსახურებს მოუწოდებდა სწრაფად მომხდარიყო ნატოსა და დასავლეთს შორის არსებული დაძაბულობის განეიტრალება და გამოთქვამდნენ ვარაუდს, რომ წინააღმდეგ შემთხვევაში, ეს ყველაფერი კონფლიქტში გადაიზრდებოდა.

სექტემბრის დასაწყისში რუსმა სამხედროებმა ორგანიზება გაუკეთეს კანადასთან ახლოს, ლაბრადორის ზღვაში ზებგერითი თვითმფრინავების იერიშის მიტანას. რუსული თვითმფრინავები კანადის საჰაერო სივრცეში არ შესულან. თუმცა, მათი ქმედება აღიქვეს როგორც პროვოკაციული, მაშინ როცა იმ დრეებში ნატო-ს სამიტი მიმდინარეობდა.

შვიდ სექტემბერს, კანადურ სამხედრო გემთან, რომელიც შავი ზღვის აკვატორიაში იმყოფებოდა, რუსულმა სამხედრო თვითმფრინავმა ჩაიფრინა.

„ტორონტომ“ თვითმფრინავი მიზანში ამოიღო, თუმცა შემდგომი მოქმედებები არ განუხორციელებია, რადგან რუსული თვითმფრინავი რაკეტებით აღჭურვილი არ იყო.

ნატო-ს შესაბამისი სამსახურები ავრცელებდნენ ინფორმაციას, რომ 2014 წელს ნატო-ს შესაბამისმა ტექნიკამ 100 რუსული სამხედრო თვითმფრინავი დააფიქსირა.

რუსი სამხედრო ექსპერტები მიიჩნევენ, რომ მსგავის აქტიურობა - ადეკვატური პასუხია დასავლური ავიაციის ქმედებებზე. რომელიც განაგრძობს სადაზვერვო ოპერაციებს.

European Leadership Network-ის ექსპერტებმა ორივე მხარეს თავშეკავებისკენ მოუწოდეს.

მათი აზრით, რუსეთის ხელმძღვანელობამ თავიდან უნდა შეაფასოს ღირებულებისა და რისკის ფასი, რაც გაცილებით აგრესიულ სამხედრო ქმედებებს მოჰყვება, დასავლელმა დიპლომატებმა კი რუსეთი უნდა დაარწმუნონ, სწორი გზით სვლაში.

ორივე მხარემ თავშეკავება უნდა გამოიჩინოს სამხედრო აქტიურობასა და პოლიტიკაში.

ამასთანავე, ორივე მხარემ საკუთარი სამუშაო უნდა შეასრულოს გაცილებით გაუმჯობესებული ქმედებებით.