გერმანიაში დღეს ცივი ომის სიმბოლოს, ბერლინის კედლი დანგრევის 25-ე წლისთავს აღნინავენ. მთავარი საზეიმო ღონისძიება დღეს საღამოს ბრანდერბურგი კარიბჭესთან გაიმართება, რომელსაც ქვეყნის კანცლრი დაესწრება.

გერმანიის კანცლერის ანგელა მერკელის განცხადებით ბერლინის კედლის დანგრევა ხალხის დაუოკებელმა სურვილმა გამოიწვია. ეს ადგილი წელს თეთრი საჰაერო ბურთებით გააფორმეს, რომლებსაც დღეს გაუშვებენ.

ბერლინში იმყოფება მიხეილ გორბაჩოვიც, საბჭოთა კავშირის ყოფილმა ლიდერმა საერთაშორისო თანამეგობრობას მოსკოვის წინააღმდეგ სანქციების მოხსნისკენ მოუწოდა და აღნიშნა, რომ მსოფლიო ახალი ცივი ომის ზღვარზეა.

ბერლინის კედლის მშენებლობა ვარშავის შეთანხმების ქვეყნების გადაწყვეტილებით და საბჭოთა კავშირის კომპარტიის გენერალური მდივნის პირადი ინიციატივით 1961 წლის 13 აგვისტოს დაიწყო.

1989 წლის 9 ნოემბრიდან გერმანიის დემოკრატიულ რესპუბლიკაში მასობრივი საპროტესტო გამოსვლების შედეგად დასავლეთ გერმანიასთან კავშირზე შეზღუდვები მოიხსნა.

1990 წლის ივნისში სასაზღვრო კონტროლი სრულად მოიხსნა და იანვარ-ნოემბერში ყველას სასაზღვრო ბარიერი მოიშალა, გარდა 1,3 კილომეტრის კედლისა, როგორც ცივი ომის ყველაზე დიდი სიმბოლო.

გერმანიის დემოკრატიული რესპუბლიკის არქივში ეროვნული უშიშროების დოკუმენტი იპოვეს, რომელიც ამტკიცებს, რომ აღმოსავლეთ გერმანიის ხელისუფლებას ნაბრძანები ქონდა ადგილზე გაენადგურებინა ყველა, ვინც კედლის გადაკვეთას შეეცდებოდა, მათ შორის ბავშვებიც.

დაუზუსტებელი მონაცემებით, ბერლინის კედელზე გადაპარვისას 1250-ზე მეტი ადამიანი დაიღუპა.