რობინ უილიამსის გარდაცვალების მიზეზების საბოლოო დასკვნა

ეს საინტერესოა - 16:16, 08 Nov, 2014

8813

ასეთია გამოძიების ოფიციალური დასკვნა, რომელიც პარასკევს საღამოს საჯაროდ გამოქვეყნდა. მარინის ოლქის (კალიფორნიის შტატი) გამომძიებლის დასკვნაში ნათქვამია, რომ გარდაცვალების მიზეზი თავის ჩამოხრჩობაა, რამაც ასფიქსია გამოიწვია. გარდაცვლილი მსახიობის მეუღლე სიუზენ შნაიდერმა ბოლოს რობინ უილიამსი 10 აგვისტოს ნახა. მეორე დილას მსახიობის თანაშემწემ ის მკვდარი აღმოაჩინა საკუთარ სახლში. რობინ უილიამსი 63 წლის ასაკში გარდაიცვალა.
ცნობილი კომიკოსი და მსახიობი, რომელიც ერთ დროს ჟურნალ Entertainment Weekly-მ “მსოფლიოს ყველაზე მხიარულ ადამიანად” აღიარა, ბოლო დროს ღრმა დეპრესიისგან იტანჯებოდა. წარსულში, უილიამს პრობლემები ჰქონდა ალკოჰოლურ სასმელებთან და ნარკოტიკებთან, თუმცა შემდეგ ის გამოჯამრთელდა.

ამა წლის ივლისში მან რამოდენიმე ხანი შტატ მინესოტის სარეაბილიტაციო ცენტრში დაჰყო. როგორც მისი პრეს-მდივანი აცხადებდა, მიზეზი დატვირთული სამუშაოს მერე ნერვების შესაკავებლად დასჭირდა.

შეგახსენებთ, რომ რობინ უილიამსი ათობით ფილმში იღებდა მონაწილეობას. მათ შორის იყო ” ჭკვიანი უილ ჰანტინგი”, “მისის დაუტფაიერი”, “ჯუმანჯი”, ” დილა მშვიდობისა, ვიეტნამო”, “ღამე მუზეუმში” და ოთხჯერ იყო “ოსკარის” ნომინანტი. 1997 წელს ოქროს მონუმენტი მიიღო მეორე სახის როლისთვის ფილმში “ჭკვიანი უილ ჰანტინგი”.

“ის გვაიძულებდა გვეცინა და გვეტირა ერთდროულად”,- ასეთი სიტყვებით მოიხსენია ის ამერიკის პრეზიდენტმა ბარაკ ობამამ, მას შემდეგ რაც რობინ უილიამსის გარდაცვალების შესახებ შეიტყო.

წყარო