რუსული ეკონომიკა ბანკროტის ზღვარზეა

მსოფლიო - 00:19, 07 Nov, 2014

2412

რუბლი ყოველდღიურად ახალ ანტირეკორდს ამყარებს და არც ხუთშაბათი აღმოჩნდა გამონაკლისი. რუსეთის ცენტრალურმა ბანკმა ევროს ოფიციალური კურსი რუბლთან მიმართებაში პარასკევისთვის დაადგინა 56,54 ხოლო დოლართან მიმართებაში - 45,18 რუბლი. ასე, რომ ევროპული ვალუტის კურსი ხუთშაბათის მონაცემებთან შედარებით გაიზარდა 92,16 კაპიკით, ხოლო ამერიკულ დოლართან მიმართებაში - 78,61 კაპიკით. მოსკოვის ბირჟაზე ევრომ გაარღვია ფსიქოლოგიურად მნიშვნელოვანი ზღვარი - 57 რუბლი და საღამოს უკვე 58 რუბლს გადააჭარბა. როგორც რუსულ მედიაში წერენ უსიამოვნება-უსიამოვნებაზე მატულობს. რუსეთის ცენტრალური ბანკის მონაცემები ქვეყნის საერთაშორისო რეზერვებთან დაკავშირებით არადამაიმედებელი აღმოჩნდა, რომელიც რიგი შეფასებებით, კვირის განმავლობაში 24-დან 31 ოქტომბრამდე 10,5 მილიარდი დოლარით შემცირდა.

მესამე - უსიამოვნო მაგრამ აბსოლუტურად პროგნოზირებადი სიახლე იყო მონაცემები რუსეთიდან კაპიტალის სოლიდური გადინების შესახებ, რომელმაც ოქტომბრის თვეში 25 მილიარდ დოლარს გადააჭარბა, ხოლო წლის დასაწყისიდან 110 მილიარს. ანალიტიკოსების ვარაუდით, ამ წლის ბოლო სამი თვის განმავლობაში და 2015 წლის პირველ კვარტალში, რუსეთის ეკონომიკური ზრდის მაჩვენებელი პრაქტიკულად განულდება. ბანკირები ცდილობენ დაეხმარონ რუსეთის ცენტრალურ ბანკს რჩევებით.

საკვანძო განაკვეთების მომატება არ მოიტანს დადებით შედეგებს ეკონომიკისთვის, - განაცხადა ,,ბი-ბი-სი“-სთან საუბარში რუსეთის ბანკების ასოციაციის პრეზიდენტმა გარეგინ ტასუნიანმა, მისი სიტყვებით, ბაზარმა თავისი რესურსი ამოწურა და მეანაბრეები არ ჩქარობენ ანაბრებზე ფულის დადებას, და ეს ყველაფერი ხდება იმ ფონზე, როცა საგარეო კაპიტალი გაედინება. წინადადებებით იმის შესახებ, თუ როგორ უნდა შენარჩუნდეს მაკროეკონომიკური სტაბილურობა ქვეყანაში, რუსეთის ბანკების ასოციაცია რუსეთის ცენტრალურ ბანკს 11 ნოემბერს სპეციალური შეხვედრის ფარგლებში, ხოლო 14 ნოემბერს ფედერაციის საბჭოზე მიმართავს.