,,შობას გილოცავთ, ამ ბედნიერ დღეს, ქრისტეშობას. გილოცავთ თქვენ და მთელს საქართველოს. განსაკუთრებით მინდა მივულოცო აფხაზეთსა და ცხინვალს. ღმერთმა ინებოს საქართველოს მთლიანობა და ბედნიერება. ჩვენთან არს ღმერთი’’, - ბრძანა პატრიარქმა.

პატრიარქმა ალილოს მონაწილეები საპატრიარქოში მიიღო და მათთან ერთად საპატრიარქოს შემოუარა, სადაც ალილოს მონაწილეები მსვლელობისას საშობაო გალობას ასრულებდნენ. ალილოს მონაწილეებს საპატრიარქოში საშობაო ძღვენი მიართვეს.

ამჟამად ალილოს მონაწილეები ავლაბარში პრეზიდენტის რეზიდენციისკენ მიემართებიან, საშობაო ალილოს მსვლელობა კი სამების საკათედრო ტაძარში დასრულდება.