საშობაო ალილოში მონაწილეები ყოვლადწმინდა სამების საპატრიარქო ტაძრისკენ გაემართებიან, სადაც სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე საშობაო პარაკლისს შეასრულებს.

ალილოზე ტრადიციულად გროვდება სხვადასხვა სახის საჩუქრები, ხილი და ტკბილეული, რომელიც ბავშვთა სახლებსა და მოხუცებულთა თავშესაფრებს გადაეცემა.

ალილო მთელ საქართველოში იყო გავრცელებული და ყველა კუთხეში თავისებურად ასრულებდნენ. გავრცელებული ვერსიით სიმღერას ,,ალილო’’ ალილუიასგან ეწოდა.

საქართველოში ალილოს ტრადიციას მრავალწლიანი ისტორია აქვს, რომელიც საქართველოს ისტორიაში მხოლოდ ერთხელ დაირღვა - საქართველოს გასაბჭოების შემდეგ. 1990 წლებში მისმა უწმიდესობამ და უნეტარესობამ ილია II-ემ აღადგინა.