გერმანიის კანცლერ ანგელა მერკელის განცხადებით, ბრიტანეთი, შესაძლოა, ევროკავშირიდან გავიდეს. ინფორმაციას ამის შესახებ გერმანული გამოცემა „Spiegel“ ავრცელებს.

ბრიტანეთის პრემიერმინისტრი ევროკავშირის ქვეყნებიდან მიგრანტების რაოდენობის შეზღუდვას ცდილობს. ლონდონი დაბალი კვალიფიციის მქონე მიგრანტებზე კვოტების დაწესებას ითხოვს.

დევიდ კემერონის განცხადებით, საჭიროა ეროვნული კანონები ისე შეიცვალოს, რომ მიგრანტებმა სოციალური შეღავათები ორ ქვეყანაში ერთად ვეღარ მიიღონ.

„Spiegel“ მიუთითებს, რომ ეს გადაადგილების თავისუფლების შესახებ ევროკავშირის ხელშეკრულების აშკარა დარღვევაა.