უკრაინის ხელისუფლების მტკიცებით, დონეცკისა და ლუგანსკის ე.წ. არჩევნები რუსეთის საზღვრიდან სამხედრო ტექნიკის ინტენსიური გადასროლის ფონზე ჩატარდა.

დონბასში გამართულ ე.წ. არჩევნებს გამოეხმაურა უკრაინის პრეზიდენტი, პეტრო პოროშენკო.

„ეს არის ფარსი, რომელიც ორმა ტერორისტულმა ორგანიზაციამ მოაწყო“, - ნათქვამია პრეზიდენტის განცხადებაში.

რუსეთი ე.წ. არჩევნებს ჩატარებულად მიიჩნევს და პატივს სცემს ადგილობრივი მოსახლეობის ნების გამოხატვას. განსხვავებული აზრი აქვს დასავლეთს, ევროკავშირის საგარეო ურთიერთობათა უმაღლესი კომისრის განცხადებით, ხმის მიცემის პროცესი ლუგანსკსა და დონეცკში უკანონო და არალეგიტიმურია.