თადვაცვის მინისტრის მოადგილე მოწმის სახით დასაკითხად მთავარ პროკურატურაშია დაბარებული.

ალექსანდრე ბატიაშვილი თავდაცვის სამინისტროს მაღალჩინოსნების საქმეზე უნდა დაკითხონ.

როგორც პროკურატურაში აცხადებენ, სწორედ იგი აწერს ხელს თავდაცვის უწყებასა და კომპანია „სილქნეტს“ შორის გაფორმებულ ხელშეკრულებას. საგამოძიებო უწყება, ასევე ყურადღებას ამახვილებს მის ნათესაურ კავშირზე „სილქნეტის“ კომერციულ დირექტორთან ბაჩო ცინცალაძესთან.

„როგორც იცით, „სილქნეტთან“ გაფორმებულ ხელშეკრულებას ხელს აწერს ალექს ბატიაშვილი. ამავდროულად, ალექსი ბატიაშვილი არის „სილქნეტის“ ფინანსური დირექტორის ახლო ნათესავი. შესაბამისად, არსებობს გარკვეული კითხვები, რასაც ამ ადამიანს დავუსვამთ“ , - განაცხადა პროკურორმა ჯარჯი წიკლაურმა.

როგორც „სილქნეტში“ აცხადებენ, ცინცალაძე კომპანიაში 2012 წლიდან მუშაობს. ბატიაშვილი კი ალასანიას მოადგილედ 2013 წელს ჩატარებული ტენდერის შედეგად დაინიშნა.