სულხან მოლაშვილი სტრასბურგის სასამართლომ 4 მუხლით გაამართლა

სამართალი - 09:49, 31 Oct, 2014

2893

სტრასბურგის სასამართლომ სულხან მოლაშვილის საქმეზე გადაწყვეტილება გამოიტანა. სასამართლომ სულხან მოლაშვილი ევროპული კონვენციის 4 მუხლით გაამართლა. ხელისუფლებამ თანხმობას აცხადებს გამოძიების ხელახლა ჩატარებასა და სამი თვის ვადაში, მოლაშვილისთვის კოპენსაციის სახით 20 000 ევროს გადახდაზე.

„მის მიმართ ადგილი ჰქონდა არაადამიანურ მოპყრობას, უსაფუძვლო და დაუსაბუთებელ პატიმრობას, უსამართლო სასამართლოს, დისკრიმინაციას, ასევე ყოფილი პრეზიდენტის მხრიდან მისი უდანაშაუკლობის პრეზუმციის დარღვევას. წინა ხელისუფლებაც გახდა უკვე იძულებული, აღიარების წერილი გაეგზავნა სტრასბურგში. ეს პროცესი გაიწელა, რადგან წინა ხელისუფლებასა და მოლაშვილის ადვოკატებს შორის ვერ ხერხდებოდა შეთანხმების მიღწევა მორიგების ტექსტის თაობაზე. ეს პროცედურა ჩვენ დავასრულეთ და რამდენიმე დღის წინ სტრასბურგის სასამართლომ ეს საქმე დახურა, რომლის ძალითაც ჩვენ დაგვეკისრა 20 000 ევროს გადახდის ვალდებულება, რაც უფრო მეტი იქნებოდა იმ შემთხვევაში, თუ ეს დავა გაგრძელდებოდა“, - განაცხადა იუსტიციის მინისტრის მოადგილე გოჩა ლორთქიფანიძემ.

სარჩელით კონტროლის პალატის ყოფილმა ხელმძღვანელმა ევროპის ადამიანის უფლებათა სასამართლოს 2004 წელს მიმართა.