თავდაცვის სამინისტროს დაკავებულ მაღალჩინოსნებს თავდებში მინისტრის ოთხი მოადგილე უდგება. ამ ეტაპზე უცნობია, რა შუამდგომლობით მიმართავს გამოძიება სასამართლოს.

ადვოკატების ვარაუდით, პროკურატურა ორთვიან წინასწარ პატიმრობას მოითხოვს.

მათივე თქმით, ბრალდებულები უდანაშაულები არიან და ისინი უნდა გათავისუფლდნენ.

„პირველივე ეტაპიდან ნათელია, რომ დაცვის მხარის უფლებები ირღვევა. ჩვენ საქმის მასალები ამ დრომდე არ გადმოგვცემია, რის გამოს სრულყოფილ დაცვას ვერ განვახორციელებთ. შუამდგლობასთან დაკავშირებით, ჩვენ გვექნება ჩვენი განცხადება პროცესზე და იმედია სასამართლო ადეკვატურ გადაწყვეტილებას მიიღებს. ჩვენი დაცვის ქვეშ მყოფები თავს დამნაშავედ არ ცნობენ, შესაბამისად ისინი სასამართლო დარბაზიდან უნდა გათავისუფლდნენ“, - განაცხადა გიორგი ლობჟანიძის და არჩილ ალავიძის ადვოკატმა ლაშა სამუშიამ.

პროკურატურამ თავდაცვის სამინისტროს ხუთი მაღალჩინოსანი სახელმწიფო ბიუჯეტის კუთვნილი 4 102 872 ლარის გაფლანგვის ფაქტზე დააკავა.