,,ვხედავთ როგორ გვეღუპება შვილი“: 12 წლის ბიჭი ერთი წელია შიმშილობს

მსოფლიო - 00:12, 30 Oct, 2014

9975

ამერიკელმა ბიჭმა, რომელმაც ჭამაზე უარი თქვა, ექიმები დილემის წინაშე დააყენა. ბიჭი ასეთ მდგომარეობაში უკვე მთელი წელი იმყოფება. 2013 წლის ოქტომბერში 12 წლის ლენდონ ჯონსმა პიცას ნაყინი მიაყოლა, ამის შემდეგ კი მან ჭამა კარძალა. ბიჭს შიმშილის გრძნობა არ აწუხებს, თუმცა პროდუქტების სუნს და გემოს გრძნობს.

ენერგიული და სიცოცხლით სავსე ბიჭი, რომელიც მეგობრებთა ერთად მუდმივად ერთობოდა, თავისი ცხოვრებით აღარ ცხოვრობს. 24 საათის განმავლობაში მას პირისღებინებისა და თავბრუსხვევის შეგრძნება აწუხებს. ლენდონის მშობლებმა შეერთებული შტატების 5 სხვადასხვა სახის კლინიკა მოიარეს. მხოლოდ ერთ საავადმყოფოში მათ 4000 აშშ დოლარი დახარჯეს, თუმცა ექიმებმა ბიჭის დახმარება ვერ შეძლეს.

პროფესორი, პედიატრი მარკ პატერსონი, რომელსაც მედიცინაში მუშაობის 33 წლის გამოცდილება გააჩნია, აღნიშნავს: ,,ჩვენ ძალიან ყურადღებით ვაკვირდებით მას, მაგრამ ზუსტი დიაგნოზის მაინც ვერ დავადგინეთ“.

მისივე თქმით, შესაძლოა, მსოფლიოში ეს იყოს ერთადერთი შემთხვევა ამ ბიჭისა, რომელსაც მსგავსი დაავადება აღმოაჩნდა. ,,ჩვენ ვხედავთ, თვალწინ როგორ გვეღუპება ბავშვი“ - ამბობს ლენდონის 43 წლის მამა ამერიკულ გამოცემასთან ინტერვიუში.

ბოლო ერთი წლის განმავლობაში ბიჭმა 16 კილო დაიკლო. ავადმყოფობამდე ის 47-ს ხოლო ამჟამად 30 კილოს იწონის. მშობლები ყველა ღონეს ხმარობენ, რომ შვილი როგორმე გამოკვებონ, თუმცა მისი მდგომარეობიდან გამომდინარე ამას მხოლოდ სპეციალური ზონდის მეშვეობით თუ ახერხებენ.

ამერიკელები ამის მიზეზად ჰიპოტალამუსის დარღვევას ასახელებენ, რომელიც ორგანიზმში ნივშიერებათა ცვლას არეგულირებს. ამასთან ის ხელს უწყობს ტემპერატურისა და სისხლის მიმოქცევის რეგულირებას.

ბიჭს ამჟამად უცნაურობა ახასიათებს, მას შეუძლია მთელი დღის მანძილზე იჯდეს გაუნძრევლად და ერთ წერტილს უყუროს, არ აქვს რეაქცია, რაც არ უნდა ხდებოდეს მის გარშემო. მას პრეპარატი ,,დეპაკოტი“ გამოუწერეს, რომელსაც ბიჭი მთელი წლის განმავლობაში იღებდა, თუმცა პრეპარატის გამოყენება მსგავსი დაავადების დროს რა შედეგს იძლევა, უცნობია.