სოფელ ორთაშენთან მომხდარ ინციდენტზე შინაგან საქმეთა სამინისტროში განმარტებას აკეთებენ. „ნიუპოსტი“ შს სამინისტროს პრესსამსახურს დაუკავშირდა, სადაც მომხდარის შესახებ გავრცელებულ ინფორმაციას უარყოფენ. პრესსამსახურში განმარტავენ, რომ სამართალდამცავების მხრიდან პირის უკანონოდ დაჯარიმებას ადგილი არ ჰქონია. ასევე არ დასტურდება გავრცელებული ინფორმაცია იმის შესახებ, რომ დავით კარელიძის მიმართ ფიზიკურ და სიტყვიერ შეურაცხყოფას ჰქონდა ადგილი.

როგორც პრესსამსახურში აცხადებენ, ავტომობილს არასრულწლოვანი მართავდა, რომელსაც მართვის მოწმობა არ აღმოაჩნდა. შედეგად ავტომობილის მეპატრონე 700 ლარით, ავტომობილის საჭესთან მჯდომი არასრულწლოვანი კი 500 ლარით დაჯარიმდა.