უკრაინული მედიის ცნობით, კიევში ე.წ „კრიმინალური ავტორიტეტები“ დააკავეს. დაკავებულთა შორის არის 38 წლის „ვატია“, 43 წლის „გუგა“ და 32 წლის „ლავასოღლი ბატუმსკი“, ეს უკანასკნელი 1,5 წლის განმავლობაში 4-ჯერ დააკავეს და გამოაძევეს ქვეყნიდან, თუმცა ის მაინც ბრუნდებოდა.

ამ მომენტისთვის განიხილება „ვატია“-ს მიერ უკრაინის ტერიტორიის ნებაყოფლობით დატოვების საკითხი, ტერიტორიაზე შემდგომი შემოსვლის აკრძალვით.

„გუგა“ და „ლავასოღლი ბატუმსკი“ ამ დროისთვის უკანონო მიგრანტთა დროებით მოთავსების პუნქტში იმყოფებიან. სამართალდამცავები ამზადებენ მასალებს მათთვის 5 წლით უკრაინის ტერიტორიაზე შესვლის აკრძალვასთან დაკავშირებით.