ხმაური კულტურის სამინისტროში რეჟისორების, სცენარისტების და კულტურის კრიტიკოსების შეხვედრას მოჰყვა, შეხვედრის მონაწილეების გაღიზიანება გიორგი შენგელაიას გამოსვლამ გამოიწვია, რომელმაც ქართულ კინოში ბოლო 20 წლის განმავლობაში არსებულ პრობლემაზე ისაუბრა, შენგელაიამ განმარტა, რომ ქართული კინოს პრობლემა ახალ თაობაშია, მისი თქმით, ახალგაზრდა რჟისორების ფილმებმა ეროვნულობა დაკარგა,

,,რურუას ხალხია და ეგენი ყველა, რურუას უფროსები ჩვენ ჩარეცხილებად გვთვლიდა, ევროპულ პრიდიუსერებთან ერთად მუშაობდნენ და რაღაც სუროგატი გამოდის, არც ევროპელის ჭკუაზეა და არც ქართულის და რაღაც საშუალო კინოა’’-აცხადებს გიორგი შენგელაია.

დიტო ცინცაძეს ეროვნული კონოცენტრისა და ქართული კონოს სხვბადასხვა თაობის წარმომადგენლებს შორის დაწყებულ სკანდალურ დაპირისპირებაზე საუბრობს და აცხადებს, რომ ეროვნული კინო ნიშნავს კარგ კინოს და მისთვის მთავარი კრიტერიუმი ხარისხია,

,,ახალგაზრდება გაკეთეს უკვე ეროვნული კინო, ეროვნული კინო არის ჩემი აზრით კარგი კინო, ხარისხია ეროვნულობა, მე სხვანაირი კრიტერიუმი ეროვნულობისა არ მესმის,’’-აცხადებს დიტო ცინცაძე.

თაობათ შორის დაპირისპირებას ეწინააღმდგება ნანა ჯანელიძე, რეჟისორი ამბობს, რომ ახალგაზრდა თაობა იმ რეალობას და მოვლენებს მოერგო, რომელიც საქართველოში ვითარდება,

,,ჩვენ უნდა გვახსოვდეს, რომ რეალობა შეგვეცვალა, ჩვენ სახელმწიმფო შეგვეცვალა, ახალ ეპოქაში ვცხოვრობთ. რომ იყო 20 წლიანი უშუქობა, კოლაფსი, ქაოსი ქვეყანში და ახალგაზრდა თაობა ამას იღებს ეხლა და მემგონი ეს არის მნიშვნელოვანი’’-აცხადებს ნანა ჯანელიძე.

შეხვედრას კულტურის სამინისტროში ქართული კინოს სხვადასხვა თაობის წარმომადგენლებიც ესწრებოდნენ, მათი ნაწილი მიიჩნევს, რომ პრობლემა განსხვავებულ ფასეულობებშია, მეორე ნაწილი კი დაპირისპირების უფრო კონკრეტულ მიზეზს ასახელებს, ლანა ღოღობერიძე მიიჩნევს, რომ კინოცენტრის მუშაობა გამჭვირვალე უნდა გახდეს,

,,ჩაკეტილი სისტემით მოქმედებდა იგივე კინოცენტრი, ის უნდა გაიხსნას, უნდა გახდეს უფრო დემოკრატიული და რაც მთავარია, სხვადასხვა თაობის ადამიანებისგან შედგენილი უნდა იყოს’’- აცხადებს ლანა ღოღობერიძე.

ახალგაზრდა თაობის რეჟისორები აცხადებენ, რომ მათ მიმართ გამოთქმული უფროსი თაობის კრიტიკა დაუსაბუთებელია, რეჟისორი ზაზა რუსაძე ამბობს, რომ კინო ცენტრმა მას და მის თაობას საკუთარი თავის რეალიზების საშალება მისცა.

კულტურის სამინსიტროში დაპირისპირებას საერთოდ უარყოფენ და ქართული კინოს მომავალზე მსჯელობას რამდენიმე დღეში კიდევ გეგმავენ. სავარაუდუდ ამ შეხვედრაზე უნდა გადაწყდეს რა ფორმით გააგრძელებს კინოცენტრი ახალი პროექტების დაფინანსებას.