უკრაინის პრეზიდენტ, პეტრო პოროშენკოსა და აშშ-ს ვიცე-პრეზიდენტ, ჯოზეფ ბაიდენს შორის სატელეფონო საუბარი გაიმართა. ამის შესახებ ინფორმაციას პრეზიდენტის პრეს-სამსახური ავრცელებს.

როგორც ცნობილია, აშშ-ს ვიცე-პრეზიდენტმა პოროშენკოს საქმიანობა შეაფასა და აღნიშნა, რომ უკრაინის პრეზიდენტის ქმედებებმა ქვეყანაში დემოკრატიული არჩევნები უზრუნველყო.

„ბაიდენმა აღნიშნა, რომ ქვეყნისთვის რთულ სიტუაციაში დემოკრატიული არჩევნების ჩატარების გადაწყვეტილება, პროფესიონალური ქმედებაა. ვიცე-პრეზიდენტმა ასევე დასძინა, რომ უკრაინას რეფორმები ესაჭიროება და მნიშვნელოვანი სამუშაოები ჯერკიდევ წინ არის“, - ნათქვამია განცხადებაში.

პოროშენკომ მადლობა გადაუხადა აშშ-ს და პირადად ბაიდენს უკრაინის მხარდაჭერაში. პრეზიდენტმა ბარაკ ობამას განცხადებას მნიშვნელოვანი უწოდა, სადაც საუბარია უკრაინაში წარმატებით ჩატარებულ არჩევნებზე.