„ზუგდიდში, უშიშროების სამსახურის შენობაში აფეთქება წყლის ავზის გახეთქვამ გამოიწვია“, - ამის შესახებ შინაგან საქმეთა მინისტრის მოადგილემ ვახტანგ გომელაურმა განაცხადა.

მისი თქმით, არასწორია ინფორმაცია, თითქოს ბაზაზე თავდასხმა განხორციელდა.

„უბედური შემთხვევა მოხდა. დაიღუპა შინაგან საქმეთა სამინისტროს თანამშრომელი. მინდა მიუსამიმრო მის ოჯახს. მოხდა წყლის ავზის გასკდომა, რასაც კედლის ნგრევა მოჰყვა. ამის შემდეგ ე.წ. სინკარი ჩამოვარდა, რომელიც ჩვენს თანამშრომელს დაეცა. გავრცელდა ინფორმაცია, რომ თითქოს ბაზაზე თავდასხმა მოხდა. ეს არის სიცრუე“, - განაცხადა გომელაურმა.

ზუგდიდში გორის ქუჩაზე მდებარე აფხაზეთის კონსტიტუციური უსაფრთხოების ყოფილი შენობის ერთ-ერთი ფასადი გუშინ აფეთქდა. მომხდარმა აფეთქებამ ერთი ადამიანის სიცოცხლე იმსხვერპლა. გარდაიცვალა ერთერთი დეპარტამენტის ხელმძღვანელი.