მეცნიერებმა დაადგინეს, რომ საყვარელ ადამიანთან ყველაზე ხშირად მაშინ ვჩხუბობთ, როცა გვშია. არ დაიძინოთ ნაჩხუბარმა - ეს კანონია. ასევე არ დაიძინოთ მშიერმა, ესეც აუცილებლად გასათვალისწინებელი პირობაა. ხოლო თუ ამ ორი კანონის გაერთიანებას შეძლებ, მაშინა ახალ კანონს მიიღებ: არ იჩხუბო, როცა გშია.

მეცნიერებმა ჩაატარეს კვლევა და მივიდნენ დასკვნამდე, რომ მშიერი ადამიანები სწრაფად კარგავენ კონტროლს, მარტივად ღიზიანდებიან.

როცა მშიერი ვართ, ტვინს არ ჰყოფნის ენერგია, რომელიც თვითკონტროლისთვის აუცილებელია და მარტივად გამოვდივართ მდგომარეობიდან. მიუხედავად იმისა, რომ ტვინი მთელი სხეულის მხოლოდ 2 პროცენტს იკავებს, მას კალორიების სრული რაოდენობის 20 პროცენტი მიაქვს.

დასკვნა მარტივია: თუ ცოლთან სერიოზულად საუბარი გსურთ (ან ქმართან), თუ ურთიერთობის გარკვევა განიზრახეთ, დარწმუნდით იმაში, რომ მშიერი არ ხართ. ურთოერთობა კი სადილის შემდეგ გაარკვიეთ, დესერტის მირთმევის დროს, ამ შემთხვევაში ცხოვრება გაცილებით უკეთ მოგეჩვენებათ, მეუღლე კი ადამიანად, რომელიც მართლაც საკუთარ თავზე მეტად გიყვართ.