"ევროკავშირი საკმაოდ სუსტ მდგომარეობაშია. 2008 წლის ფინანსური კრიზისის შემდეგ ის ერთგვარ ჩიხშია მოქცეული. ამ ფონზე კი რუსეთი ალტერნატიული იდეით გამოდის, რომელიც დამყარებულია ნაციონალიზმზე, განსხვავებით ევროკავშირის ინტერნაციონალური იდეებისა. ევროპელების სუსტი პოზიციების გამო ეს ალტერნატივა ძალას იკრებს, ის დაფუძნებულია არა სამართალზე, არამედ ძალაზე.

რუსეთის აგრესიული ქმედებები უკრაინაში მიმართულია ევროკავშირისკენ. ახალი უკრაინა, რომელსაც ევროკავშირში გაწევრიანება უნდა სასიკვდილო საფრთხის წინაშე დგას, მას თავს დაესხა სამხედრო ძალა, რომელიც მის სამხედრო შესაძლებლობებს რამდენჯერმე აჭარბებს. ევროკავშირის დახმარების გარეშე ის ვერ გადარჩება, უკრაინის დაკარგვა კი ევროპისთვის უზარმაზარი დანაკლისი იქნება.

ევროკავშირს ეგზისტენციალური საფრთხე ემუქრება. უკრაინის გადარჩენით ევროკავშირი თავის თავს გადაირჩენს."- აღნიშნავს ჯორჯ სოროსი.