საქართველოს მთავარი პროკურატურა ვალერი გელაშვილის სამქესთან დაკავშირებით განცხადებას ავრცელებს:

„როგორც საზოგადოებისთვის ცნობილია, საქართველოს მთავარი პროკურატურის მოწვევით, 22 ივლისს თბილისში ჩამოვიდა მსოფლიოში აღიარებული სისხლის სამართლის პრაქტიკოს-სპეციალისტთა ჯგუფი. იუგოსლავიის საერთაშორისო სისხლის სამართლის ტრიბუნალის მთავრი პროკურორის მოადგილე სერ ჯეფრი ნაისი, ისრაელის ყოფილი სახელმწიფო პროკურორი და ამერიკის შეერთებული შტატების იუსტიციის დეპარტამენტის ორგანიზებულ დანაშაულთან ბრძოლის განყოფილების ყოფილი დირექტორი პოლ კაფი.

მთავარი პროკურატურის ინიციატივით, მოწვეული სპეციალისტებისაგან შეიქმნა პროკურატურის მრჩეველთა საერთაშორისო ჯგუფი, რომლის მიზანსაც წარმოადგენს ქართველი პროკურორებისათვის მათი გამოცდილებისა და სამართლის სფეროში არსებული მსოფლიო პრაქტიკის გაზიარება. რაც მნიშვნელოვანია სისხლის სამართლის საქმეების გამოძიების წარმოების და პროცესის გამჭვირვალობისათვის.

პროკურატურის მრჩეველთა საერთაშორისო ჯგუფმა დაასრულა მუშაობა 2005 წლის 14 ივლისს ვალერი გელაშვილზე განხორციელებულ თავდასხმის საქმესთან დაკავშირებით და მოამზადა დასკვნა. საქმის შესწავლის პროცესში, უცხოელ სპეციალისტებს პროკურატურის მიერ მიეწოდათ საგამოძიებო მასალები, მოწმეთა შვენებები, ექსპერტიზის დასკვნები და სხვა მტკიცებულებები. აღნიშნულ მტკიცებულებებზე დაყრდნობით, პროკურატურის მრჩეველთა საერთაშორისო ჯგუფის მიერ, საქმეზე მომზადდა წინასწარი დასკვნა.

გამოძიების მიერ მოპოვებული მტკიცებულებები და მასალები, სამართლებრივად და ფაქტობრივად საკმარისია იმისათვის, რომ მიხეილ სააკაშვილის, ივანე მერაბიშვილის, ერეკლე კოდუასა და გია სირაძის მიმართ გაგრძელდეს სისხლის სამართლებრივი დევნა, ვალერი გელაშვილის მიმართ 2005 წლის 14 ივლისს განხორციელებულ თავდასხმის ფაქტთან დაკავშირებით და საქმე წარმართულ იქნას სასამართლოში“, - ნათქვამია განცხადებაში.