სასწრაფოდ: კანადის პარლამეტი უშიშროების ძალებს აქვთ ბლოკირებული

მსოფლიო - 20:02, 22 Oct, 2014

3139

კანადის დედაქალაქ ოტავაში, ნაციონალურ სამხედრო მემორიალთან უცნობმა პირმა ცეცხლი გახსნა. მემორიალი მდებარეობს კანადის პარლამენტთან. თავდამსხმელი პირველი სროლის შემდეგ შეიჭრა უკვე პარლამენტის შენობაში, სადაც ათამდე სროლა განახორციელა. თვითმხილველების გადმოცემით, შეიარაღებულმა პირმა დაჭრა ყარაულში მდგომი სამხედროები. პარლამენტის შენობა უშიშროების სამსახურებს აქვთ ბლოკირებული. პრემიერ-მინისტრს პარლამენტი დაატოვებინეს და უსაფრთხო ადგილას გადაიყვანეს.

ამის შესახებ იტყობინება კანადის ერთ-ერთი ტელეარხი. ჯერ-ჯერობით არ არის ინფორმაცია მსხვერპლის შესახებ. ამასთან ერთად, ოტავას პოლიციის ინფორმაციით, სავარაუდოდ, თავადმსხმელი მარტო არ არის. პარლამენტის ზოგიერთი დეპუტატის განცხადებით, მინიმუმ ერთი თავდამსხმელი დაღუპულია, თუმცა ამის ოფიციალური დადასტურება ჯერ არ მომხდარა. ტელეკომპანია C-B-S-ის ცნობით ერთი მსროლელი მოკლულია, პოლიცია აგრძელებს კიდევ ორი ეჭვმიტანილის დევნას პარლამენტის მიმდებარე ტერიტორიაზე.

პოლიციის ინფორმაციით, თავდამსხმელები სამხედრო ფორმაში იყვნენ და თან აქვთ დიდი ოდენობით იარაღი. როგორც ცნობილია, კანადამ გუშინ ტერორისტული საფრთხის დონე საშუალომდე გაზარდა. ამ თავდასმას შესაძლოა რაიმე საერთო ჰქონდეს ისლამური სახელმწიფოს ძალების მიერ განხორიცელებულ შეტევასთან.