უკრაინა-რუსეთის მოლაპარაკებები გარკვეული პროგრესით დასრულდა

მსოფლიო - 12:24, 22 Oct, 2014

1687

ევროკომისარმა ენერგეტიკის საკითხებში გიუნტერ ოტინგერმა განაცხადა, რომ უკრაინისა და რუსეთის წარმომადგენლებს შორის რუსეთის ბუნებრივი აირის უკრაინისთვის მიწოდების საკითხზე 21 ოქტომბრის მოლააპრაკებები არსებითი პროგრესით დასრულდა.
ოტინგერის თანახმად, წინასწარი შეთანხმებით, უკრაინა მიმდინარე წლის ბოლომდე რუსეთისგან 4 მილიარდი კუბური მეტრი ბუნებრივი აირის შეძენას აპირებს.
უკვე მოხმარებული აირის საფასურს მილიარდ 400 მილიონ დოლარს უკრაინა რუსეთს ოქტომბრის ბოლომდე, დანარჩენ - მილიარდ 600 მილიონ დოლარს კი წლის ბოლომდე გადაუხდის.
რუსეთის დელეგაციის ხელმძღვანელმა, ენერგეტიკის მინისტრმა ალექსანდრ ნოვაკმა განაცხადა, რომ უკრაინისთვის ბუნებრივ აირზე კუბურ მეტრ აირზე ფასი $385 ათას იქნება, რაც 100 დოლარით ნაკლებია, ვიდრე რუსეთი რამდენიმე კვირის წინ მოითხოვდა. ეს ფასი ძალაში იქნება 2014 წლის ოქტომბრიდან 2015 წლის მარტის ბოლომდე.
რუსეთის ენერგეტიკის მინისტრმა აღნიშნა რომ პასუხისმგებლობა, რომ უკრაინა 2014 წლის ბოლომდე გადაუხდის რუსეთს - 5 მილიარდ 300 მილიონ დოლარის დავალიანებას ევროკავშირმა უნდა აიღოს.
ოტინგერმა განაცხადა, რომ მორიგი შეხვედრა ბრიუსელში 29 ოქტომბერს გაიმართება.