საქართველოს ფინანსთა სამინისტროს საგამოძიებო სამსახურმა ქრთამის აღების ფაქტზე შპს „ქალაქ თბილისის ფსიქიკური ჯანმრთელობის ცენტრის“ მესამე განყოფილების უფროსი დავით სარიშვილი დააკავა.

გამოძიებამ დაადგინა, რომ დაკავებულმა ერთ-ერთ მოქალაქეს მისი მეურვეობის ქვეშ მყოფი ავადმყოფის ფსიქიატრიული საავადმყოფოს სტაციონარში ერთი წლით მოთავსების სანაცვლოდ, ქრთამის სახით გამოართვა 1 000 ლარი. გარდა ამისა, დაკავებულმა იმავე მოქალაქეს გამოართვა მისი მეურვეობის ქვეშ მყოფი ავადმყოფის საპენსიო ბარათი, რათა შემდგომში ყოველთვიურად დაუფლებოდა ბარათზე დარიცხულ საპენსიო თანხას - 100 ლარს.

ფაქტზე გამოძიება გრძელდება სისხლის სამართლის კოდექსის 338-ე მუხლის პირველი ნაწილით, რაც 6-დან 9 წლამდე პატიმრობას ითვალისწინებს.