შემოდგომაზე ხელის კანს სპეციალური მოვლა ჭირდება. ამინდის ცვლილებასთან ერთად ხელის კანი მალე შრება და უხეშდება. ამიტომ შემოდგომის დადგომასთან ერთად ხელებს სპეციალური ყურადღება უნდა მივაქციოთ.

პირველ რიგში შეიძინეთ საშემოდგომო ხელთათმანები და მუდამ თან ატარეთ. ხელთათმანი დაიცავს თქვენს ხელებს სიცივისგან და ნაკლებად გამოაშრობს კანს. გაითვალისწინეთ, რომ ხელთათმანის ჩაცმა და გახდა მხოლოდ შენობაშია რეკომენდირებული.

შემოდგომით მუდამ თან უნდა ატაროთ ხელის კრემიც, რადგამ მისი დღეში ორჯერ წასმა საკმარისი არ არის. კრემი უნდა გამოიყენოთ მაშინ, როდესაც იგრძნობთ, რომ კანი გამოშრა.

ცხელი წყალი და საპონი სწრაფად აშრობს კანს. ამიტომ ეცადეთ, რომ ხელის დაბანისას წყალი არა ცხელი, არამედ თბილი იყოს. როდესაც გარეთ უკვე საკმაოდ აცივდება, ჯობს ხელის დასაბანად თხევადი ან გლიცერინიანი საპონი გამოიყენოთ. ხოლო ხელის დაბანის შემდეგ აუცილებლად წაისვათ კრემი.

კრემის გამოყენების გარდა, კარგი იქნება თუ დროგამოშვებით ხელის პილინგსაც გაიკეთებთ. სასურველია ასევე ხელის მასაჟის გაკეთება ქოქოსის ზეთით. თუ მასაჟს ძილის წინ გაიკეთებთ ამის შემდეგ მთელი ღამის განმავლობაში აუცილებლად უნდა ჩაიცვათ ბამბის ხელთათმანები.

გაითვალისწინეთ ზემოთ მოყვანილი რჩევები და თქვენი ხელები წელიწადის ნებისმიერ დროს შეუდარებელი იქნება.