საქართველოს ყოფილი პრემიერმინისტრის ვანო მერაბიშვილის კიდევ ერთ საქმეზე გახდა განაჩენი ცნობილი. ქუთაისის სააპელაციო სასამართლომ ვანო მერაბიშვილისა და ზურაბ ჭიაბერაშვილის საქმეზე საქალაქოს გადაწყვეტილება ძალაში დატოვა.

„მალხაზ გურული მუშაობდა ამ საქმის შეკერვაზე და თვითონ ეს საქმე იმიტომ იქნა წამოღებული ქუთაისში. ბუნებრივია განაჩენი დარჩა უცვლელი და ჩვენ გავასაჩივრებთ“, - განაცხადა ზურაბ ჭიაბერაშვილმა.

ვანო მერაბიშვილისთვის შეფარდებული 5 წლიანი პატიმრობა, ზურაბ ჭიაბერაშვილისთვის კი 50 ათას ლარიანი ჯარიმა კვლავ ძალაში დარჩა.