პრემიერ-მინისტრის სახლთან გამართული საპროტესტო აქციის დროს დაკავებული 6 პირი სასამართლო დარბაზიდან ხელწერილის საფუძველზე გაათავისუფლეს. მათი სასამართლო პროცესი 22 ოქტომბერს ჩატარდება. პროცესის გადადების მიზეზად მტკიცებულებების სიმრავლე დასახელდა, რომლის განხილვაც დღეს სასამართლომ ვერ მოახერხა.

რაც შეეხება მეშვიდე დაკავებულს, ლევან კვარაცხელიას, მისი ბრალეულობის გადაკვალიფიცირება მოხდა და მას სისხლის სამართლის საქმით ხულიგნობის მუხლით გასაამართლებენ. კვარაცხელიას საქმეს სასამართლო ცალკე განიხილავს.

თბილისში მოსაშვილის ქუჩაზე პრემიერის სახლთან 19 ოქტომბერს მომხდარ ინციდენტთან დაკავშირებით 7 ადამიანი წუხელ, გვიან ღამით დააკავეს. ისინი თავდაცვის ყოფილი მინისტრის ბაჩო ახალაიას მხარდამჭერ აქციაში მონაწილეობდნენ.