,,სასაცილოა სამი წელი ვანო მერაბიშვილის დასასჯელად, იგი ფაქტობრივად ამ დანაშაულს ხელმძღვანელობდა“ - აცხადებს გურამ გირგვლიანი, რომელიც არ გამორიცხავს, საქალაქო სასამართლოს გადაწყვეტილება სააპელაციო წესით გაასაჩივროს.
"ყველამ იცის, რაც ჩაიდინეს მათ ჩემი ოჯახის წინააღმდეგ. სასაცილოა სამი წელი ვანო მერაბიშვილის დასასჯელად, იგი ფაქტობრივად ამ დანაშაულს ხელმძღვანელობდა, იმ მოტივით, რომ მისი ცოლი, თაკო სალაყაია არსად გამოჩენილიყო. სასჯელი არაადეკვატურია, პროკურატურასთან ერთად გავარკვევთ, გასაჩივრდება თუ არა ეს განაჩენი", - განაცხადა გურამ გირგვლიანმა.
საქალაქო სასამართლოს გადაწყვეტილებით, სადრო გირგვლიანის საქმეზე ვანო მერაბიშვილს 3-წლიანი პატიმრობა მიესაჯა. მერაბიშვილს თანამდებობის 2 წლით დაკავება აეკრძალა. მერაბიშვილს სისხლის სამართლის კოდექსის 333-ე და 341-ე მუხლებით აქვს ბრალი წარდგენილი, რაც სამსახურებრივ სიყალბეს და უფლებამოსილების გადამეტებას გულისხმობს.
მასალის გამოყენების პირობები






