ლანჩხუთის გამგეობაში ფინანსური პოლიცია უკვე მეორედ შევიდა, საფინანსო სამსახურმა მუნიციპალიტეტის ათ სოფელში შესრულებული წყლის პროექტები უნდა შეისწავლოს.

ლანჩხუთის ათ სოფელში წყლის სარეაბილიტაციო სამუშაოები გასული წლის დეკემბრის ბოლოს ჩატარდა.

მიუხედავად იმისა, რომ პროექტი უკვე დასრულებული და ჩაბარებულია, მოსახლეობისთვის წყლის მიწოდება სრულფასოვნად ვერ ხერხდება და ამასთან ახლად შეცვლილი მილებიც უკვე მწყობრიდანაა გამოსული.

ლანჩხუთის გამგებელი, ზაზა ურუშაძე, გამგეობაში ფინანსური პოლიციის შესვლასთან დაკავშირებით ინფორმაციას არც უარყოფს და არც ადასტურებს და ამბობს, რომ ამ ტემაზე კომენტარს ვერ გააკეთებს.