პრემიერ-მინისტრ ირაკლი ღარიბაშილის სახლთან, გუშინ დაკავებულების საქმეზე სასამართლო დღეს იმსჯელებს. რომელ საათზე გაიმართება პროცესი ჯერჯერობით დაზუსტებული არ არის.

ერთ-ერთი დაკავებულის ლევან კვარაცხელიას საქმეს კი სასამართლო ცალკე განიხილავს, რადგან მისი საქმე დღეს სისხლის სამართლით გადაკვალიფიცირდა.

შინაგან საქმეთა სამინისტროს ცნობით, წუხელ ბაჩო ახალაიას მხარდამჭერთა აქციაზე 7 მონაწილეა დაკავებული. მათ შორის არიან ბაჩო ახალაიას ერთ-ერთი ადვოკატი რომეო საჯაია და ტელეკომპანია “ტაბულას“ ფოტორეპორტიორი ალექსანდრე გიორგაძე.

თავდაცვის ყოფილი მინისტრის მხარდამჭერები პრემიერის სახლთან 19 ოქტომბერს, საღამოს 7 საათისთვის შეიკრიბნენ და სასამართლოზე ხელისუფლების ზეწოლას აპროტესტებდნენ.

აქციის დაწყებიდან რამდენიმე წუთში მდგომარეობა დაიძაბა. აქციის მონაწილები ყვებიან, რომ ადგილზე ახალგაზრდა პოეტი ბიჭი ივანიშვილი რამდენიმე თანმხლებ პირთან ერთად მივიდა და შეკრებილებს სიტყვიერი შეურაცხყოფა მიაყენა. აქციის მონაწილეთა განცხადებით, კონფლიქტის მიზეზი სწორედ ეს გახდა.

დაკავებების შემდეგ აქცია დიღომში შინაგან საქმეთა სამინისტროს მთავარ სამმართველოსთან გაგრძელდა, სადაც დაკავებულები დაკითხვის შემდეგ გადაიყვანეს. ადვოკატების განცხადებით, ისინი უკანონოდ დააკავეს და ინციდენტი წინასწარ დაგეგმილი პროვოკაციის შედეგი იყო.

დაკავებულთა სასამართლო პროცესი შემდეგ გაირკვევა, აღკვეთის ღონისძიების რა ფორმას მოითხოვს მათთვის ბრალდების მხარე.