ნანიკო ხაზარაძეს თმის გაღიავების საიდუმლო მოხუცმა პარიკმახერმა ასწავლა

ეს საინტერესოა - 20:11, 18 Oct, 2014

28365

ტელესახე ნანიკო ხაზარაძისთვის ჯანსაღი კვება, ვარჯიში თუ კანის განსაკუთრებული მოვლა, რასაც ქალები სილამაზისთვის მიმართავენ ხოლმე, უცხოა. საბავშვო კრემი, საკუთარი ხელით შეჭრილ–შეღებილი თმა ეს მთელი ძალისხმევა. წონას მშობიარობის მერე აღარ შეუწუხებია. თუმცა მის "არსენალში" არის ერთი საიდუმლო, რომელიც წლების წინ მოხუცმა მოსკოველმა პარიკმახერმა გაანდო.
"თმა თვითონ შევიჭერი და შევიღებე. მყავს სტილისტი, მაგრამ თავადაც შემიძლია ვიზრუნო იმიჯზე, მით უმეტეს, რომ მიყვარს ეს პროცესი. მაგალითად, თმის შეღებვა მოსკოვში ვისწავლე. იქ ცხოვრების პერიოდში გადავწყვიტე, შავი ფერიდან ღია ქერაზე გადავსულიყავი. ძალიან ბევრი ვიწვალე თავადაც და სტილისტებიც ვაწვალე, რომ ის ფერი მიმეღო, რაც მინდოდა. საბოლოოდ თმა დავიწვი.
ერთ დღესაც მოხუცმა სტილისტმა ქალმა გამიყვანა გვერდით და მითხრა, არავის ენდო, ბევრ ფულს დაგახარჯვინებენ და თან თმას დაგიწვავენ, მე გასწავლი, კარგად როგორ უნდა შეიღებო, სამპროცენტიანი ჩვეულებრივი "სუპრა" (თმის გამაღიავებელი. ავტ.) დაიდე თმაზე, რამდენი ხანიც გინდა და ისე გააღიავებს, არც დაგიწვავს და ნებისმიერ ფერად შეიღებავო. დღემდე ასე ვაკეთებ და იმ ქალის მადლობელი ვარ. "- ამბობს ნანიკო ხაზარაძე "სარკესთან" ინტერვიუში.
წყარო http://sana.ge/