ფართოდ რეკლამირებული პუტინის ვიზიტის კრახი სერბეთში

მსოფლიო - 16:15, 18 Oct, 2014

5880

რუსეთის პრეზიდენტის ვლადიმერ პუტინის ვიზიტი სერბეთში, რომელიც ფართოდ იყო რეკლამირებული, არასასიამოვნო ინციდენტით დასრულდა. მიუხედავად იმისა, რომ პუტინი სერბეთში ჩავიდა დაპირებების პაკეტით, კერძოდ ის, რომ რუსეთი სერბეთის ეკონომიკაში სამი წლით 10 მილიარდამდე ინვესტიციას ჩადებდა, და ეს მაშინ, როცა გაზის სამხრეთის ნაკადის მშენებლობიდან 2 მილიარდამდე დოლარის მოგება შესდის ბალკანეთის ქვეყნებს ბიუჯეტში, სერბეთზე გავლენისთვის საკმარისი მაინც არ აღმოჩნდა.

ვლადიმერ პუტინისთვის სერბეთის რესპუბლიკის უმაღლესი ჯილდოს გადაცემის ცერემონიალზე, სერბეთის პრეზიდენტი ტომისლავ ნიკოლიჩმა სიტყვა რუსულად წარმოსთქვა. სპეციალისტების აზრით, ალბათ იმიტომ, რომ რუსეთის პრეზიდენტისთვის ყველაფერი დეტალურად გასაგები ყოფილიყო. დასაწყისი შთამბეჭდავი იყო: ,,ძვირფასო ძმაო, ვლადიმერ, სერბი ხალხი ამაყობს, რომ შენ ატარებ ყველაზე დიდ სერბულ ორდენს“, - მიმართა ნიკოლიჩმა პუტინს, მაგრამ დასასრულისკენ სიტყვის ტონალობა ოდნავ შეიცვალა, განსაკუთრებით მაშინ, როცა ნიკოლიჩმა ხაზი გაუსვა სერბეთის საგარეო პოლიტიკის ორიენტირს, კერძოდ: ,,სერბეთი ადგას ევროპულ გზას“, რის შემდეგაც პუტინს სახე შეეცვალა და ღონისძიებაზე მასპინძლების თვალწინ, უცერემონიოდ, მოიხსნა მისთვის გადაცემული ორდენი. რუსეთის კიდევ ერთი მოკავშირე აღმოჩნდა არც მთლად მოკავშრე. უდიდესი იმედების რეკლამირების ფონზე, რუსული მედია იძულებული აღმოჩნდა, ამ არცთუ ისე უმნიშვნელო კამფუზისთვის გვერდი აევლო.