აშშ-ის პრეზიდენტმა ბარაკ ობამამ ნიუ-იორკის ერთ-ერთ რესტორანში საკრედიტო ბარათით სადილის დანახარჯი ვერ გადაიხადა - ბანკმა ობამას ბარათი კომპრომეტირებულად ჩათვალა. როგორც აღმოჩნდა, ინციდენტი ერთი თვის წინ მოხდა, პრეზიდენტმა კი ამის შესახებ გუშინ განაცხადა და დასძინა, რომ საბანკო გადარიცხვების უსაფრთხოების ზომები უნდა გამკაცრდეს.

ბარაკ ობამას თქმით, იგი იმდენად იშვიათად სარგებლობს საკრედიტო ბარათით, რომ ამ გზით გადახდის მცდელობა ბანკის უსაფრთხოების სისტემამ საეჭვოდ მიიჩნია და ბარათის მფლობელს ტრანზაქციის განხორციელების საშუალება არ მისცა.

სადილის ღირებულების გადახდა პრეზიდენტის მეუღლეს - მიშელ ობამას მოუწია.

აშშ-ის მთავრობა იმ საპენსიო გადარიცხვების უსაფრთხოების ზომების გაძლიერებას გეგმავს, რომლითაც მილიონობით ამერიკელი სარგებლობს.