კანისა და ფიგურისთვის სასარგებლო ტკბილეული

საზოგადოება - 16:03, 30 Dec, 2012

2355

სამაგიეროდ სხვადასხვა ტკბილეულის გარეგანი მოხმარება, პირიქით ძალიან სასარგებლოა კანისა და ფიგურისათვის. ევროპულ კურორტებზე ძალიან პოპულარულია შოკოლადის თერაპია, რძის აბაზანები და თაფლის მასაჟი.

შოკოლადი - ყველაზე ცნობილი ანტიდეპრესანტი. შოკოლადი და კაკაო კოსმეტოლოგიაში ფართოდ გამოიყენება. შოკოლადის მასაჟი კანის ნაკლოვანებების წინააღმდეგ ბრძოლის საუკეთესო საშუალებაა. მასაჟის შემდეგ, კანი გლუვი და რბილი ხდება, იფარება პიგმენტური ლაქები და კანს ბრინჯაოსფერი შეფერილობა ეძლევა. ეს პროცედურები საკმაოდ ძვირი ღირს, მაგრამ თუ თქვენ ასეთი „ტკბილი ცხოვრებისთვის“ ფული არ გაქვთ, მასაჟისთვის შოკოლადი სახლის პირობებშიც შეგიძლიათ მოამზადოთ.

ამისათვის საჭიროა: კვერცხის გული, ერთი კოვზი არაჟანი, ერთი კოვზი გამდნარი მწარე, შოკოლადი ან კაკაო. ამ ყველაფერს ერთმანეთში კარგად აურევთ და ერთ კოვზ ადუღებულ წყალს დაამატებთ. მიღებული მასა წაისვით სახეზე და 15-20 წუთის შემდეგ ჩამოიბანეთ. თუ პროცედურის ჩატარება ტანზეც გინდათ, სამჯერ მეტი ინგრედიენტები დაგჭირდებათ.

თუ გნებავთ, რომ სახის კანის გამაახალგაზრდავებელი ნიღაბი გაიკეთოთ, ამისათვის გაადნეთ 50 გრ. შავი შოკოლადი, დაუმატეთ ერთი ჩაის კოვზი ზეითუნის ზეთი, გააცივეთ ოთახის ტემპერატურაზე და წაისვით სახეზე. 15 წუთის შემდეგ, სახე თბილი წყლით ჩამოიბანეთ. ასეთი ნიღაბი მშრალი კანის გარდა, ყველა სახის კანს უხდება.