საგამოძიებო მასალებს ეროსი კიწმარიშვილის ძმა, ოჯახის ადვოკატი და დამოუკიდებელი ექსპერტი პროკურატურაში 5 საათის განმავლობაში ეცნობოდნენ.

როგორც პროკურატურიდან გამოსვლის შემდეგ მათ განაცხადეს, ისინი ჯერ-ჯერობით მხოლოდ საქმის ერთ ტომს გაეცნენ, მათ შორის დაკითხვის ოქმებს, ექსპერტიზის დასკვნებსა და სხვადასხვა საგამოძიებო მოქმედებების შედეგებს.

ზურა კიწმარიშვილის თქმით გაჩნდა გარკვეული კითხვები, რომელსაც იმედოვნებს, რომ გამოძიება მომავალ შეხვედრებზე უპასუხებს.

კიწმარიშვილის ადვოკატი აცხადებს, რომ საქმის სრულად შესწავლას სავარაუდოდ ერთი კვირა დასჭირდება და მათი პოზიცია გამოძიებასთან მიმართებაში მხოლოდ ამის შემდეგ გახდება ცნობილი.

მასალების გაცნობის მიზნით ისინი პროკურატურაში მისვლას დღესაც გეგმავენ.