აი, ეს არის უდიდესი საკითხი, რომელიც ყოველი ადამიანის წინაშე დგას. სად არის და რაშია ჩვენი საუნჯე - მატერიალურ კეთილდღეობაში თუ სულიერ ამაღლებაში? მატერიალური ადამიანს მხოლოდ სამარის კარამდე მიაცილებს და სულიერი გაჰყვება სასუფეველში. უფალი არაერთხელ გვეუბნება, თუ რაშია ჩვენი ცხოვრების სიმდიდრე. წმინდა ილია მართალი ბრძანებდა - ღმერთი, სამშობლო და ადამიანი. ჩვენ, უპირველეს ყოვლისა, ეს სამი საუნჯე უნდა გვახსოვდეს. ღმერთი არის ჩვენი შემოქმედი და დამბადებელი. ის არის საფუძველი ყველაფრისა. ეს უდიდესი საუნჯეა, რომელსაც ადამიანი გრძნობს და ჩვენი სული აღიქვამს მას. ეს რომ არ იყოს, ჩვენს ცხოვრებას აზრი არ ექნებოდა. მეორე საუნჯე - ეს არის სამშობლო - უდიდესი რამ. ადამიანი სადაც არ უნდა წავიდეს, არ უნდა გაწყვიტოს კავშირი თავის სამშობლოსთან. ყოველთვის უნდა ახსოვდეს, თუ სად იყვნენ მისი მშობლები და სად არის მისი სამშობლო. მესამე საუნჯეა ადამიანი. ჩვენ უნდა ვაფასებდეთ და პატივს ვცემდეთ ადამიანს. ადამიანი არის უნიკალური ქმნილება. ეს სამი საუნჯე აუცილებლად უნდა გვახსოვდეს", - ბრძანა უწმინდესმა და მადლობა გადაუხადა უფალს იმისთვის, რომ საქართველოს არის ქვეყანა, რომელსაც მართლმადიდებლური სარწმუნოება აქვს.

სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესი ილია მეორეს ლოცვა-კურთხევით, ახალი წელი თევზით ხსნილი იქნება.

მისივე თქმით, 3 იანვარს სამების ახალგაზრდულ ცენტრში მღვდელმთავრებისა და მორწმუნე ხალხის მიღება გაიმართება. რაც შეეხება შობის ბრწყინვალე დღესასწაულს, 6 იანვარს, 21:00 საათზე სამების საკათედრო ტაძარში ლოცვა დაიწყება, 23:00 საათზე შეხვედრა იქნება, 00:00 საათიდან კი საზეიმო წირვა აღევლინება.