ტრაგედია ჰიმალაიში - სულ მცირე 30 ადამიანი დაიღუპა და 100-ზე მეტი დაკარგულად ითვლება. შემთხვევა ანაპურნას მთებში ქარბუქმა გამოიწვია.

სამაშველო სამსახურის ინფორმაციით, დაღუპულთა შორის ნეპალის, პოლონეთისა და ისრაელის მოქალაქეები არიან.

მაშველებმა 40-მდე ადამიანის გადარჩენა შეძლეს, თუმცა ამინდის გაუარესება სამძებრო სამუშაოების გაგრძელებას ართულებს.

ოქტომბრის თვეში ჰიმალაის ათასობით ტურისტი სტუმრობს, რადგან ეს პერიოდი მზიანი ამინდებით გამოირჩევა, თუმცა ტროპიკული ციკლონის შედეგად, მთაში ძლიერი ქარბუქი წარმოიქმნა, ტურისტებმა ნისლში გზის გაგრძელება ვეღარ შეძლეს და დაიკარგნენ.