ძიება დაადგენს, მოდის ეს ,,ნაციონალური მოძრაობიდან“ თუ ჩვეულებრივი კრიმინალია

ძიება დაადგენს, მოდის ეს ,,ნაციონალური მოძრაობიდან“ თუ ჩვეულებრივი კრიმინალია - გომელაური

სამართალი - 19:15, 15 Oct, 2014

959

შს მინისტრის მოადგილემ ვახტანგ გომელაურმა იოსებ გიორხელიძის გატაცებასთან დაკავშირებით კომენტარი გააკეთა. მისი თქმით, გამოძიება იყო ეს ჩვეულებრივი კრიმინალური შემთხვევა თუ უკავშირდება ,,ნაციონალურ მოძრაობას“.

„განცხადება გაკეთდა, როგორც მოგეხსენებათ, ყველამ ნახეთ. იგივე შემიძლია გავიმეორო – მოხდა ადამიანის გატაცება ფულის გამოძალვის მიზნით. მე მინდა ვისარგებლო და მადლობა გადავუხადო ყველა იმ თანამშრომელს, რომლებმაც ნამდვილად 24 საათის განმავლობაში მუხლჩაუხრელად იმუშავეს და შედეგიც დადგა, მძევალი უვნებლად გათავისუფლდა და ოთხივე პიროვნება, ვინც მონაწილეობდა გატაცებაში, დაკავებული იქნა. დემოკრატიულ ქვეყანაში ვცხოვრობთ და დემოკრატიის ერთ-ერთი სავიზიტო ბარათია სიტყვის თავისუფლება. რა თქმა უნდა, ყველას შეუძლია, როგორც ჩვეულებრივ მოქალაქეს, ასევე პოლიტიკოსებსაც, თავისი მოსაზრება თქვან და გააჟღერონ. მე ვერ ვთვლი, რამე საგანგაშო განცხადება გაკეთდა, მე ვერ ჩავთვლი ამას ნამდვილად. ძიება მიმდინარეობს, ყველაფერი დაიდება – საიდან მოდის ეს, „ნაციონალური მოძრაობიდან“ მოდის თუ ჩვეულებრივი კრიმინალები არიან ეს ყველაფერი, ძიება დაადგენს და განცხადება გაკეთდება ნამდვილად“ - განაცხადა გომელაურმა.