ბრიტანეთის თემთა პალატამ პალესტინის სახელმწიფოებრიობა აღიარა. დეპუტატების განცხადებით, ბრიტანეთის საგარეო პოლიტიკის კურსი არ შეიცვლება, მაგრამ კენჭისყრას სიმბოლური ღირებულება აქვს პალესტინელებისათვის, რომლებიც საერთაშორისო აღიარებისათვის იბრძვიან.

თემთა პალატაში აღნიშნავენ, რომ მიღებული გადაწყვეტილება ისრაელსა და პალესტინას შორის სამშვიდობო პროცესს დაეხმარება.

პრემიერმინისტრმა დევიდ კემერონმა კენჭისყრაში მონაწილეობა არ მიიღო. ისრაელის პრემიერ-მინისტრ ბენიამინ ნეთანიაჰუს განცხადებით, ცალმხრივი მოქმედება ვითარებას მხოლოდ გაამწვავებს.

ერთი კვირის წინ შვედეთის ახალმა მემარცხენე-ცენტრისტულმა მთავრობამ განაცხადა, რომ ქვეყანამ, შესაძლოა, პალესტინის სახელმწიფოებრივი სტატუსის აღიარების გადაწყვეტილება მიიღოს.